ໃນລະຫວ່າງວັນທີ 4-6 ສິງຫາ 2021 ນີ້ ທີ່ ໂຮງແຮມພູແມນ ຫຼວງພະບາງ ໄດ້ຈັດເຝິກອົບຮົມຝຶກອົບຮົມທາງດ້ານຈັນຍາບັນໃຫ້ແກ່ໄວໜຸ່ມໃນການຕ້ານການສໍ້ລາດບັງຫຼວງ ໃຫ້ແກ່ບັນດາພະແນກການ ອ້ອມຂ້າງແຂວງ ໂດຍການເປັນປະທານກ່າວເປີດ ຂອງ ທ່ານ ຄຳຫຼ້າ ລຽນປະດິດ, ຄະນະປະຈຳພັກແຂວງ, ຫົວໜ້າພະແນກກວດກາພັກ-ລັດ
ມີຜູ້ເຂົ້າຮ່ວມທັງໝົດ 53 ທ່ານ, ຍິງ 21 ທ່ານ, ໃນນັ້ນມີນັກສຳມະນາກອນມາຈາກ ອົງການກວດກາແຫ່ງລັດ ແລະ ຕ້ານການສໍ້ລາດບັງຫຼວງຂັ້ນສູນກາງ 04 ທ່ານ; ອົງການກວດກາລັດແຂວງ 03 ທ່ານ, ພະແນກອ້ອມຂ້າງແຂວງ 17 ທ່ານ, ມະຫາວິທະຍາໄລສຸພານຸວົງ 20 ທ່ານ ແລະ ມສ ປ່ອງຄໍາ, ເດັກກໍາພ້າ ແລະ ມສ ສັນຕິພາບ 09 ທ່ານ
ເອກະສານທີ່ສຳຄັນ ທີ່ນຳມາເຝິກອົບຮົມໃນຄັ້ງນີ້ ປະກອບມີ
- ສົນທິສັນຍາ ສປຊ ວ່າດ້ວຍການຕ້ານການສໍ້ລາດບັງຫຼວງ;
- ບົດແນະນໍາຂອງອົງການຕ້ານການຟອກເງິນສາກົນ;
- ຄວາມຊື່ສັດ ແລະ ຮີດຄອງປະເພນີ;
- ໂຄ່ງຮ່າງການຈັດຕັ້ງ ແລະ ພາລະບົດບາດຂອງອົງການກວດກາແຫ່ງລັດ ແລະ ຕ້ານການສໍ້ລາດບັງຫຼວງຂັ້ນ
ສູນກາງ ແລະ ໂຄ່ງຮ່າງການຈັດຕັ້ງ ແລະ ພາລະບົດບາດຂອງພາກເອກະຊົນ
- ຄວາມຮັບຮູ້ຂອງພົນລະເມືອງລາວຕໍ່ການສໍ້ລາດບັງຫຼວງ ແລະ ການສົມທຽບກັບຕ່າງປະເທດ;
- ໂຄ່ງຮ່າງການຈັດຕັ້ງ ແລະ ພາລະບົດບາດຂອງກະຊວງສຶກສາ ແລະ ກິລາ;
- ປະສົບການ ແລະ ຜົນສໍາເລັດຂອງຊາວໜຸ່ມໃນການຕ້ານການສໍ້ລາດບັງຫຼວງຂອງບາງປະເທດ;
- ການເຮັດບົດຝືກຫັດກ່ຽວກັບໂຄງການວາງແຜນສ້າງຄວາມຊື່ສັດຂອງໄວໜຸ່ມ;